“ИНТЕГРАЦАД СУУРИЛСАН БАГШЛАХУЙ БА СУРАЛЦАХУЙ” СЭДЭВТ ҮНДЭСНИЙ ЭРДЭМ ШИНЖИЛГЭЭНИЙ ХУРАЛ АМЖИЛТТАЙ ЗОХИОН БАЙГУУЛАГДЛАА.

Боловсролын судалгааны үндэсний хүрээлэн СӨБ, ЕБ, МбТБСБ-ын багш, удирдах ажилтны дунд 58 дахь жилдээ зохион байгуулж буй үндэсний эрдэм шинжилгээний хурлыг энэ жил “ИНТЕГРАЦАД СУУРИЛСАН БАГШЛАХУЙ БА СУРАЛЦАХУЙ” сэдвийн дор 2025 оны 04 сарын 10-11-ний өдрүүдэд амжилттай зохион байгууллаа.

Үндэсний эрдэм шинжилгээний хурлын СӨБ-ын салбар хуралдаанд 30 багийн 71 багш, удирдах ажилтан, ЕБ, МбТБСБ-ын салбар хуралдаанд 30 багийн 127 багш, удирдах ажилтан оролцож, илтгэлээ хэлэлцүүллээ.

СӨБ, ЕБ-ын хөтөлбөрийн үзэл баримтлал батлагдаж, СӨБ, ЕБ-ын бага боловсролын түвшинд сургалтын хөтөлбөр, гарын авлага, дасгал ажил, багшийн номыг шинэчлэн боловсруулж, сургалтын үйл ажиллагаанд хэрэгжүүлэх хариуцлагатай үед энэхүү үндэсний эрдэм жинжилгээний хурлыг “ИНТЕГРАЦАД СУУРИЛСАН БАГШЛАХУЙ БА СУРАЛЦАХУЙ” сэдвээр зохион байгуулснаараа онцлог боллоо. Үүнтэй холбоотой одоо хэрэгжиж байгаа хөтөлбөрийн хүрээнд агуулга, арга зүйг интеграцчилсан туршлагаа эрдэм шинжилгээний талаасаа хэр ач холбогдолтой байгаа, хүүхдийн суралцахуй болоод хүүхдийн хөгжлийг хэрхэн дэмжиж байгаа талаас нь багш нар хийсэн судалгаа, үр дүнгээ хэлэлцүүллээ. 

Үндэсний эрдэм шинжилгээний хуралд оролцсон нийт багш, удирдах ажилтнууд болон хамтран ажилласан байгууллагад гүн талархал илэрхийлье.