3-17 НАСТАЙ ХҮҮХДИЙН ХӨГЖЛИЙН ШАЛГУУР, ҮЗҮҮЛЭЛТҮҮД
- PUBLICATION YEAR
- 2023
- FULL TEXT
- H_hdijn_h_gzhlijn_shalguur_z_lelt_801176d240.pdf
- RESEARCHER(S)
- KEYWORDS
- —
- CITATION
- S.Sanjaabadam, Ts.Lkhagvasuren, B.Bayarmaa, E.Bayasgalan, & B.Enkhbayar. (2023). 3-17 настай хүүхдийн хөгжлийн шалгуур, үзүүлэлтүүд. MNIER. https://mnier.mn/en/research-reports/research-report6
3-17 настай хүүхдийн хөгжлийн шалгуур, үзүүлэлтийг “Монгол хүүхдийн цогц хөгжлийн онцлог” төслийн судалгааны хүрээнд үндэсний хэмжээнд хийгдсэн судалгааны үр дүнд тулгуурлан боловсруулав. Шалгуур, үзүүлэлт нь бие бялдар, танин мэдэхүйн хөгжил, нийгэмшлийн чадваруудын дундаж үзүүлэлтэд үндэслэсэн.
Бие бялдрын шалгуур үзүүлэлт нь бие бялдрын хөгжил, бэлтгэлжилт гэсэн хөгжлийн дэд хэсэгтэй. Харин танин мэдэхүйн хөгжлийн шалгуур үзүүлэлт нь мэдээллийг хүртэж хүлээж авах, боловсруулах, задлан шинжлэх, нэгтгэн дүгнэх чадвар ба хэл ярианы чадваруудаас бүрдсэн.
Нийгэмшлийн шалгуур үзүүлэлт нь өөртөө хандах хандлага, зан төлөв, сэтгэлийн хөдөлгөөн, харилцаа, ээнэгшилт, дасан зохицолт, үнэт зүйл, нийгмийн хэм хэмжээ гэсэн дэд бүрдлүүдээс бүрдэнэ.
Сургуулийн өмнөх, бага, суурь, бүрэн дунд боловсролын түвшинд хамрагдах насны 3-17 настай хүүхдийн хөгжлийг:
- Бие бялдар, танин мэдэхүйн хөгжлийн хүрсэн байх доод хязгаар, түүний бодит илрэл;
- Нийгэмшлийн ерөнхий онцлогийг өөртөө хандах хандлага, зан төлөв, сэтгэлийн хөдөлгөөн, харилцаа, үнэт зүйл, нийгмийн хэм хэмжээний хүрээний илрэлийн ерөнхий шинжээр нь авч үзэв.
Бид “хүүхэд” гэсэн бүлэгт 3-5 настай сургуулийн өмнөх насны хүүхэд, 6-10 настай бага ангийн сурагчид, 11-14 настай дунд ангийн сурагчид, 15-17 настай ахлах ангийн сурагчдыг хамруулав.