АХЛАХ АНГИЙН СУРАГЧИД ЛАБОРАТОРИД ТУРШИЛТЫН ХИЧЭЭЛ ЯВУУЛАХ БОЛОМЖТОЙ БОЛЛОО

БСҮХ нь 2024 онд шинжлэх ухааны төрөлжсөн ахлах сургууийн туршилтыг ЕБ-ийн 3 сургуульд туршиж, тус сургуулиудын 10, 11 дүгээр ангийн Байгалийн ухааны хичээлийг сонгон судалсан 200 гаруй сурагчдад биологи, хими, физикийн туршилт ажлыг Их дээд сургуулийн багш нарын дэмжлэгтэйгээр МУИС, МУБИС, ХААИС-ийн лабораториудад зохион байгуулсан билээ.  

Энэ туршлагад үндэслэн туршилтад хамрагдсан ЕБС-ийн болон их дээд сургуулийн багш нар, ментор багш, мэргэжлийн арга зүйч, мэргэжилтэн нарын оролцоотойгоор сургалтын хөтөлбөрийн агуулгад нийцсэн туршилт ажлыг хэрэгжүүлэх багшид зориулсан лабораторийн ажлын удирдамж, сурагчид зориулсан лабораторийн ажлын хуудсыг АХБ-ны ЭЗХҮБЧХС төслийн санхүүжилтээр боловсруулж, мэргэжлийн багш нарт хүргэж байна. 

Энэхүү сургалтын нөөц материал нь Байгалийн ухааны сургалтын хөтөлбөрийг үр дүнтэй хэрэгжүүлэх, танхим, цахим хосолсон сургалтыг зохион байгуулах багшид арга зүйн дэмжлэг болохын зэрэгцээ цаашид үндэсний сургалтын хөтөлбөрийн шинэчлэлд тусган Байгалийн ухааны сургалтын агуулгын 20-30 хүртэл хувь туршилт хичээл байдаг олон улсын туршлагыг сургалтад нэвтрүүлэх, хосолсон сургалтын загварыг хэрэгжүүлэх, боломжийг нээж өгсөн бүтээгдэхүүн боллоо. 

Лабораторийн ажлын удирдамж, ажлын хуудсыг дараах линкээр орж судална уу.