БСҮХ-ИЙН ЭРДЭМ ШИНЖИЛГЭЭНИЙ АЖИЛТНУУД НОГООН БОЛОН ДИЖИТАЛ ШИЛЖИЛТИЙН ҮНДЭСНИЙ ЧАДАВХ БЭХЖҮҮЛЭХ СУРГАЛТАД ОРОЛЦОЖ БАЙНА.

“Монгол Улсад багш боловсролыг ногоон болон дижитал шилжилтэд нийцүүлэн шинэчлэх нь” Европын Холбооны ERASMUS+ RETEACH төслийн хүрээнд зохион байгуулагдаж буй “Ногоон болон дижитал шилжилтэд чиглэсэн багш боловсролын сургалтын хөтөлбөр болон сургалт, суралцахуйн шинэлэг арга зүйн үндэсний чадавх бэхжүүлэх” сургалт Улаанбаатар хотод 2026 оны 06 сарын 02-ны өдрөөс 06-ны өдрүүдэд зохион байгуулагдаж байна.

Энэхүү сургалтад Боловсролын судалгааны үндэсний хүрээлэнгийн төлөөлөл, эрдэм шинжилгээний ажилтан, судлаачид хамтран оролцож байна. Сургалтыг Европын холбооны сургагч багш нар болох Румын болон Итали улсын тэргүүлэх их сургуулиудын профессорууд удирдан явуулж байгаа юм.

Багш бэлтгэх хөтөлбөрийн шинэчлэлд дараах чиглэлээр чадавхжиж байна:

• Чадамжид суурилсан хөтөлбөрийн дизайн зарчмыг ашиглан багш боловсролын хөтөлбөрөө ВТЕМ-тэй нийцүүлэн шинэчлэх

• Green Comp болон Dig Comp хүрээг хөтөлбөрийн суралцахуйн үр дүн, хичээлийн бүтцэд нэгтгэх

• Оюутан төвтэй, дижиталаар дэмжигдсэн, тогтвортой хөгжилд чиглэсэн заах, суралцах үйл ажиллагаа боловсруулах

• Шинэчилсэн хөтөлбөрт зориулсан чадамжид суурилсан үнэлгээний арга, чанарын баталгаажуулалтын хяналтын шалгуур үзүүлэлт боловсруулах

• Шинэчилсэн багш боловсролын хөтөлбөрийн дадлага ба менторшипийн бүрэлдэхүүн хэсгийг бэхжүүлэх

Энэхүү сургалт нь ирээдүйн багш нарыг дижитал эрин үед бэлтгэх, Европын шилдэг туршлагыг Монгол улсын боловсролын салбарт нутагшуулахад чухал алхам болж байна.